Aalisakkat akii 2022-mi 2021-mut naleqqiullugit qaffariarput
Kalaallit Nunaanni Naatsorsueqqissaartarfiup aalisakkat akiinut naleqqersuut 2022-mi kvartalip sisamaanut tunngasut saqqummersippaa. Aalisakkat tassaapput kinguppannit, qaleralinnit saarullinniillu tunisassiat, 2010-mut oqimaalutarneqartut.
Agguaqatigiissillugu kiilumut akinik naleqqersuutinik naatsorsuinermi nunatta avammut niuernerani akit annertunerusumik atorneqarput, ilaatigut tunisassiortut anginerit akigititaannik tapertaqartarlutik. Tassa akimik naleqqersuutip Kalaallit Nunaanniit annissinermi akigitinneqartoq atorneqarluni.
Aalisakkat naleqqersuinermi taaneqartut oqimaassusiisa katinneri 2010-mi oqimaalutaaneq malillugu oqimaalutarineqarput. Taamaasilluni naleqqersuummut oqimaalutaq aaliangersimasoq Laspeyres-mi taaneqartartoq atorneqarluni.
Aalisakkat akiinut naleqqersuut (2010=100)
Malugiuk: Kisitsisaataasivimmik kisitsisit takukkit https://bank.stat.gl/fin009
Aalisakkat akii agguaqatigiissillugu 2021-miit 2022-mut ima nikeriarsimapput:
· Kinguppaat akii 13 pct.-nik qaffariarput.
· Qalerallit akii 22 pct.-nik qaffariarput.
· Saarulliit akii 40 pct.-nik qaffariarput.
Kalaallit Nunaanni Naatsorsueqqissaartarfiup nittartakkamini https://bank.stat.gl/FIN009 –mi tamanut saqqummiussaani naleqqersuutit ineriartorneri takuneqarsinnaapput.